نعت
دکھائی ہمیں راه اسلام کس نے
سنایا ہمیں حق کا پیغام کس نے
ہمارے نبی نے ، ہمارے نبی نے
محبت کی رِیت کس نے سکھائی
کہ انسان بن گئے سب بھائی بھائی
ہمارے نبی نے ، ہمارے نبی نے
یتیموں کا دل شاد کس نے کیا ہے
غلاموں کو آزاد کس نے کیا ہے
ہمارے نبی نے ، ہمارے نبی نے
ہمیں علم کا شوق کس نے دلایا
جہالت کے پھندے سے کس نے چھڑایا
ہمارے نبی نے ، ہمارے نبی نے
ترقی کے زینے پہ کس نے چڑھایا
غرض یہ کہ انسان کس نے بنایا
ہمارے نبی نے ، ہمارے نبی نے
غرض یہ کہ انسان کس نے بنایا
ہمارے نبی نے ، ہمارے نبی نے
