Hamud (Aye Doo Jahan Ke Waali) or (حمد)

حمد

     اے دو جہاں کے والی
     اے  گلشنوں کے مالی

            ہر  چیز  سے  ہے  ظاہر

             حکمت    تیری    نرالی

   تیرے ہی فیض سے ہے
   سر   سبز   ڈالی  ڈالی

             پتوں  میں تیری سبزی

             پھولوں میں تیری لالی

   سارا   ہے   کام   تیرا
   پیارا   ہے   نام   تیرا

             یہ  خاک ،  آگ ،  پانی

             ہے     تیری    مہربانی

   اونچے  پہاڑ  چپ  ہیں
   دے   کر   تری   نشانی

             ہے  دَم قدم  سے تیرے

             دریاؤں   میں   روانی

   ہے   فیض   عام   تیرا
   پیارا    ہے    نام   تیرا

            ہر شے میں ہم نے دیکھا

            تیرے   کرم    کا   سایہ

   جس جا بھی ہم نے ڈھونڈا
   تیرا          نشان         پایا

             خالق   ہے   تو   خدایا

             مالک   ہے   تو   خدایا

ہر    اِک    غلام    تیرا

پیارا    ہے    نام   تیرا