لَااِلٰهَ اِلا اللّٰه
خودی کا سِرّ نہاں لَااِلٰه اِلا اللّٰه
خودی ہے تیغ فساں لَااِلٰهَ اِلا اللّٰه
یہ دور اپنے براہیم کی تلاش میں ہے
صنم کدہ ہے جہاں لَااِلٰهَ اِلا اللّٰه
کِیا ہے تو نے متاعِ غرور کا سودا
فریب سود و زیاں لَااِلٰهَ اِلا اللّٰه
یہ مال و دولتِ دنیا یہ رشتہ و پیوند
بُتانِ وہم و گماں
لَااِلٰهَ اِلا اللّٰه
خِرد ہوئی ہے زمان و مکاں کی زُنّاری
نہ ہے زماں نہ مکاں لَااِلٰهَ اِلا اللّٰه
یہ نغمہ فصلِ گُل و لالہ کا نہیں پابند
بہار ہو کہ خزاں لَااِلٰهَ اِلا اللّٰه
اگرچیکہ بُت ہیں جماعت کی آستینوں میں
مجھے ہے حُکمِ اذاں لَااِلٰهَ اِلا اللّٰه
(ڈاکٹر سر محمد اقبال)
