Hamud Sare Tas Khudayas

حَمُد

حمد سٲری تَس خۄدایس پٲدٕ یمۍکۆرمُت جہاں

آفتاب  و   زوٗن   تارک   بیٚیِہ   زمیٖن   و  آسمان

رِزِق  سوٗزُتھ  سانِہ  باپَت  خاصہٕ  نعمژٕ   بے شمار

چھی منگان یٲری ژے سٲری ژیے عبادت چِھی کران

گاش  پزرُک  گاٹہٕ جارُک  عِلمٕ  کُۆۍ  کر تم  عطا

ٹوٹھ گژٕھ ہاخاص وعامس کامہِ کرٕ ہارٕ رٕژٕتہٕ جان

یا اِلٰہی   زندٕ   تھاوُک   سٲنۍ   رہبر   والدین

پوشِہ ناوُکھ سٲنۍ اُستاد اے خۄدائے دوجہاں

دوٗر  اَسِہ  نِشہ کر جہالت  بیٚیِہ کہالت  مشکلات

سٲنۍ مشکِل کرتہٕ آسان اے خۄدائے اِنس وجان

سٳتۍ قومس غَم گُساری اُلفٕتچۍ وتھ ہاوتم

کاس خٲری  بوز زٲری  اے  خۄدائے  عِزوشان

Hamud or حَمُد