بڑھے چلو بڑھے چلو

بڑھے چلو

اُٹھو اُٹھو ، اُٹھو اُٹھو        کمر کسو  ، کمر کسو

سحر سے پہلے چل پڑو        کڑی  ہے راہ  دوستو

 تھکن کا نام بھی نہ لو

بڑھے چلو  ،  بڑھے چلو

 جھجک نہ دل میں لاؤ تم   بس اب قدم بڑھاؤ تم 

ذرا     نہ    ڈگمگاؤ     تم    خدا  سے  لَو لگاؤ  تم

 ملوٗل و مضطرب نہ ہو 

بڑھے چلو  ،  بڑھے چلو

اُٹھو   دیا    قدم    اگر    تو ختم ہے بس اب سفر

ہے راہ صاف و بے خطر    نہ کوئی خوف ہے نہ ڈر

چلو  چلو  ،  چلو  چلو
بڑھے چلو  ، بڑھے چلو

تمھارے ہم  سفر جو تھے     وہ منزلوں پہ جالگے

سب آگے تم  سے بڑھ گئے     مگر ہو تم پڑے ہوئے

 ذرا سمجھ سے کام لو 

بڑھے چلو  ،  بڑھے چلو

دلوں  میں  ہے  جو  ولولہ    تو  ڈال  دوگے  زلزلہ 

 کہ     ہے    بلند    حوصلہ   وہ  سامنے  ہے مرحلہ  

وہیں پہنچ کے سانس لو

بڑھے  چلو  ،  بڑھے  چلو

بڑھے چلو بڑھے چلو